Qendra e zhvillimit të Rajonit planor verilindor (QZHRPVL)
Qendra e zhvillimit të Rajonit planor verilindor (QZHRPVL) është themeluar në përputhje me Ligjin për zhvillim të barabartë rajonal në maj të vitit 2008. Selia e Qendrës është në Njësinë e vetëqeverisjes lokale me numrin më të madh të banorëve. komuna e Kumanovës.
Rajoni Verilindor, një nga tetë rajonet statistikore të Maqedonisë së Veriut. Ky rajon ndodhet në pjesën verilindore të vendit, shtrihet përgjatë rrjedhës së lumenjve Pçinja dhe Kriva Reka dhe kufizohet me Serbinë, Kosovën dhe Bullgarinë, dhe brenda me Rajonin e Shkupit dhe atë lindor.
Qendra për zhvillimin e Rajonit planor verilindor përfshin (mbulon) 6 komuna:
Përshkrimi i përgjithshëm
Rajoni verilindor përfshin 6 komuna dhe 192 vendbanime, prej të cilave 189 vendbanime rurale. Dendësia e popullsisë është 75 banorë/km2. Rajoni verilindor përfshin komunat: Kumanovë, Kratovë, Kriva Pallankë, Likovë, Rankovcë dhe Staro Nagoriçan, me sipërfaqe të përgjithshme prej 2.310 km2 dhe mbulon 9% të territorit të Republikës së Maqedonisë së Veriut. Qendra kryesore e Rajonit është qyteti i Kumanovës.
Qendra për zhvillim, si person juridik, luan një rol kyç në formimin e strategjisë rajonale dhe zbatimin e dokumenteve planifikuese që lidhen me zhvillimin rajonal. Përveç që është përgjegjës për çështjet profesionale dhe administrative-teknike të Këshillit për zhvillimin e Rajonit planor, ajo punon në mënyrë aktive edhe në nxitjen e bashkëpunimit ndërkomunal. Qendra i është përkushtuar promovimit të potencialit zhvillimor të rajonit dhe bashkëpunon aktivisht me komunat, duke u ofruar atyre asistencë profesionale dhe teknike në përgatitjen e programeve të tyre zhvillimore. Gjithashtu, ofron mbështetje për OJQ-të dhe organizatat e shoqërisë civile në përgatitjen e projekteve në fushën e zhvillimit rajonal. Një nga prioritetet kryesore të Qendrës është forcimi i kapaciteteve të komuniteteve lokale, sektorit të biznesit dhe stimulimi i zhvillimit rajonal. Përveç punës për forcimin e lidhjeve ndërkomunale, ajo gjithashtu inicion dhe mbështet projekte që synojnë rritjen ekonomike, përfshirjen sociale dhe përmirësimin e mjedisit jetësor. Qendra, me rolin e saj pro-aktiv, përpiqet të krijojë një rajon dinamik dhe të qëndrueshëm, ku çdo qytetar do të ketë mundësinë për jetë cilësore dhe pjesëmarrje në zhvillimin rajonal.
Qendra është e përfshirë në mënyrë aktive në shfrytëzimin e mundësive zhvillimore të ofruara nga fondet e para-anëtarësimit evropian IPA, duke organizuar punëtorí informative dhe edukative për të gjithë palët e interesuara, si dhe duke aplikuar drejtpërdrejt për projekte zhvillimore.
Këshilli për zhvillimin e rajonit planor themelohet veçmas për çdo rajon.
DEPONITË JOSTANDARDE KOMUNALE (aktive dhe të mbyllura) DHE DEPONITË E EGRA NË RAJONIN VERILINDOR
